Snoop Dogg Amemuingiza R. Kelly Kwenye Ishu Ya Tekashi
Mastaa na mashabiki wa muziki wa Marekani wamekuwa wakijadili kuhusu ishu ya 69 Tekashi ambaye wiki iliyopita aliwataja watu wanaodaiwa kuwa memba wenzake wa kundi la Nine Trey Blood lililokuwa likijihusisha na masuala ya uhalifu siku za nyuma kabla ya Rappa huyo na wenzake hawajawa maarufu.
Tekashi ambaye alikuwa kwenye kipindi cha majaribio, alitakiwa kuwataja watu aliokuwa akishirikiana nao wakiwemo Casanova, Jim Jones, Trippie Red na mshindi wa tuzo ya Grammy Cardi B ambao wote walikanusha taarifa hizo baada ya kutajwa kama memba wa kundi la Nine Trey Blood
Baada ya Tekashi kuwataja wanamuziki wenzake kama wanachama wa kundi la kihalifu aliokuwa akishirikiana nao, ndipo hapo zikazuka taarifa za unafiki wa Tekashi kitu kilichopelekea mkongwe wa muziki wa Hip Hop Snoop Dogg kuingiza utani wake kwa kupost ‘meme’ inayomuhusisha Tekashi huku R. Kelly akihusishwa kwenye utani huo kwa kauli ya “R. Kelly peed on me too.”
Kauli hiyo inafananishwa na kesi inayomkabili R.Kelly ya kuwatumikisha kingono wasichana wadogo, kwa kauli hiyo Snoop alimaanisha Tekashi ni mnafiki kiasi kwamba angejitaja miongoni mwa wale wasichana wa R. Kelly
Rappa 69 Tekashi alikamatwa na polisi mwezi Julai mwaka huu akihusishwa kwenye matukio ya uhalifu yakiwemo matumizi ya silaha za moto na ameendelea kuwa stori kubwa kufuatia kesi yake kuchukua mlolongo mrefu. Inasemekana 69 Tekashi yupo uraiani kwa kipindi cha majaribio huku baadhi ya watu aliowataja wakimtaka ajitokeze mwenyewe kabla hawajamfanyia kitu mbaya.
