Hakuna Tishio La Tsunami Tanzania – Mamlaka Yathibitisha
Mamlaka ya Hali ya Hewa Tanzania (TMA) imesema hakuna tishio la kutokea kwa mawimbi makubwa ya tsunami nchini humo kufuatia tetemeko la ardhi la Jumatano usiku.
Kutokana na tetemeko hilo kutokea baharini, kumekuwa na hofu kuwa linaweza kusababisha mawimbi makubwa ya tsunami.
Kwa mujibu wa TMA tetemeko hilo halikuwa nguvu kubwa na hakuna maporomoko ya ardhi yaliyojitokeza baharini ambayo yangeweza kuzalisha tsunami.
“Mamlaka ya Hali ya Hewa Tanzania inawashauri watumiaji wa eneo la bahari ikiwa ni pamoja wananchi wanaoishi katika maeneo yaliyokaribu na bahari ya Hindi kutokuwa na hofu na kuendelea na shughuli kwa kuzingatia taarifa ya hali ya hewa Baharini kama ilivyotolewa awali na Mamlaka.”
Toa Maoni Yako Hapa
