Msanii chipukizi wa singeli Kinata MC anayeimba aina hiyo ya muziki kwa kuchanganya na Kiingereza, akiwa anafanya poa na ngoma mpya ya Do Lemi Go aliyoshirikiana na Ibraah wa Konde Gang, amesema ikitokea msanii kutoka WCB, Rayvanny akitaka kufanya naye remix ya wimbo wake huo, yeye hana tatizo.

Katika Do Lemi Go, Ibraah anasikika akiimba mashairi ambayo yanaonesha ni kama amerusha dongo kwa Rayvanny lakini Kinata MC anasema kama Rayvanny akitaka kujibu mashambulizi, yeye hana tatizo na atafurahi kufanya kazi na msanii mkubwa kama yeye.

Akielezea historia ya maisha yake katika Kipindi cha Katambuga kinachorushwa hewani na +255 Global Radio, Kinata MC anasema yeye ni Mmakonde wa Mtwara na amefika jijini Dar es Salaam siku chache zilizopita baada ya kupokea mwaliko kutoka kwa meneja wake, Kandoro ambaye ndiye anayemsimamia kwa sasa.

Kuhusu maisha yake binafsi, Kinata MC anasema yupo kwenye ndoa mwaka wa tano sasa na kwa kipindi kirefu alikuwa akifanya muziki wa SIngeli Mtwara ingawa hakupata nafasi ya kujulikana mpaka siku chache zilizopita baada ya video yake akiimba SIngeli kwa Kiingereza iliposambaa kwenye mitandao ya kijamii.

#TUMESTUKA #NAWESTUKA! Pakua App Ya >>>255 Global Radio, Bofya Hapa